سرع جهازك بخطوات بسيطة لكن فعالة
في طرق كثيرة لتسريع الكمبيوتر
بعيدا عن الطرق المعقدة إليك بعض النصائح البسيطة والعملية
1- خلي سطح المكتب فاضي:
كثرة الايقونات والملفات على سطح المكتب بتبطأ الجهاز ، حاول تقلل أيقونات سطح المكتب ، أو حتى خليه فاضي تماما.
2- قلل عدد البرامج المفتوحة بجانب الساعة:
البرنامج اللي مبتستخدموش ، اضغط على ايقونته كليك يمين واقفله
3- قلل الجرافيك بتاع الويندوز:
خلي الاستايل بتاع الويندوز "كلاسيك" ، أخف من الاستايل الافتراضي
لعمل ذلك في ويندوز xp اتبع التالي:
كليك يمين على سطح المكتب
هتطلع قائمة ، منها اختار properties
هيفتح ليك مربع ، تحت themes اختار Windows Classic
اضغط OK
لعمل ذلك في ويندوز سيفن وفيستا:
كليك يمين على سطح المكتب
هيطلع قائمة منها اختار personalize
هتفتح ليك صفحة ، منها اختار Windows Classic
اضغط على الصورة لتكبيرها
4- خلي البارتيشن C اللي عليه الويندوز فاضي:
احرص إن يبقى فيه مساحة فاضية كبيرة دايما على السي ، متحطش حاجة عليه غير الويندوز ، ولو بتستخدم الفوتوشوب او الثري دي ماكس ، حاول تسطبهم على بارتيشن تاني علشان ميستهلكوش مساحة مع الويندوز.
5- زود الذاكرة الافتراضية عى جهازك:
فيه حاجة اسمها الذاكرة الافتراضية . دي عبارة عن مساحة من الهارد بيستخدمها الويندوز كأنها ذاكرة بالضبط (رامات) . طبعا كل ما تزيد المساحة المخصصة ليها كل ما يكون الجهاز أسرع (كأنك اشتريت للجهاز رامات جديدة)
طريقة تزويد الذاكرة الافتراضية مشروحة بسهولة في الدرس اللي فات والرابط أهو:
تزويد الذاكرة الافتراضية
واستمتع بجهاز سريع إن شاء لله
:)
0 التعليقات لــ "سرع جهازك بخطوات بسيطة لكن فعالة"